粤人烧炮仗 中华文库

听（平）见话独立，我就喜欢欣，（好咯，广东独立咯，势唔估广东今日，有独立精神。竖起枝旗，声浪大震，百姓欢呼高兴（仄）到万分。新政府系咁文明，谁个不认。（各国都公认咯，我地唔公认咩。）若唔承认呀，重算做系汉家人？嗱嗱嗱，你唔见今日文澜集议人，心愤。（一话实行竖独立旗啫。）全体赞成。无论各界士绅，鼓掌之声，闻远近（冇人反对嘅。）咁就保全粤，不至惹起风云，想把大局维持，须要发奋。你睇人心个个趋向国民军。脱离专制我国开新运，建立共和民主呀，造福人群。（并令彭冷，并令彭冷）烧炮仗，响声声，千家万户，共表同情。独立旗飘，齐贺庆，祝我同胞万岁，大汉中兴。 独立系咁文明，良可敬。士庶工商，共赞成，个的细佬哥，真正胆定，揸住个大岗西。（炮呀）佢熄不惊。有等伯爷（上平）公，重去侪（叶）高兴。（仄）（共个细佬哥争炮仗烧㖞。）总唔斗得住，个的细蚊仔咁精灵。去到西关，还重好景。不拘老大，与及年轻。（又男又女，成班人系处斗烧呀。）包去包来，声响应，鼓掌与及欢声，达户庭。边处唱起军歌，真系好听。佢话从军之乐，乐去交征。（俄，原来系学堂嚟嚊。）个个咁齐心，民气盛，何难光复，我祖国文明。我记得皇帝登基，鹰（借）咁静。一年至闹热，就系新正。（上平）正月头个的炮仗讶，任佢烧来烧去都唔够一成，即使八月廿七个三天，恭祝孔圣，个的民居住宅，都系静英英（借用）（呢一账就唔同嘞。）城厢内外，非常盛。河南一带，亦系咁嘅情形，花地与及芳村，群百姓。已自燃烧炮仗咯，又去把旗升。足足烧到天光，还未止境。同胞千万，把新政府欢迎。昔日大梦酣鼾，今已醒。推翻专制，正所当应。（平）大众齐心协力，共把乾坤整。时局定，改建共（平）和政。（大家还清哋国债先。）个阵地球各国呀，都不敢把我欺凌。